بينما يجلس صالح على حاسوبه الخاص يتجول عبر ساحات الشبكة العنكبوتية "الإنترنت"، شاهد بالصدفة فيديو لرياضة Street workout أو "تدريب الشارع"، أخذ يقلب بين الفيديوهات التى ترصد أبرز اللاعبين لهذه الرياضة، التى استهوته منذ اللحظة الأولى فقرر أن يكون أحد أبطالها.
![صالح أثناء التمرين صالح أثناء التمرين](https://img.youm7.com/ArticleImgs/2017/1/2/456352-صالح.jpg)
صالح أثناء التمرين
صالح على أو "تربون" كما يشتهر بين زملائه، يسكن فى شارع بورسعيد بمنطقة السواح فى القاهرة، ويبلغ من العمر 20 عاماً، يشرح رياضة Street workout قائلاً: " هي بتعتمد علي وزن الجسم فقط وتشمل تمارين كتيرة من ضمن الأساسيات الضغط-العقله-المتوازى ..إلخ كافه عضلات الجسم.. رياضه غير مكلفة بالمرة مثل الجيم أو النوادى ف كل ما تحتاجه هو العقله والمتوازى والأوزان وسيصبح لك الجيم الخاص بك".
![صالح فى المنزل صالح فى المنزل](https://img.youm7.com/ArticleImgs/2017/1/2/220912-ليس-للجلوس-فقط-ولكن-يستخدم-للتمرين-ايضا!.jpg)
صالح فى المنزل
"عرفت اللعبه بالصدفة عن طريق اليوتيوب وبدأت أشوف فيديوهات لحد ما قررت أبدا ألعبها"، هكذا يروى صالح قصته مع هذه الرياضة، التى شجعه الكثير من أصدقاءه على ممارستها، بعدما كان يقوم بعروض أمامهم، فدفعوه للتمرن أكثر وإتقان مهارات أكبر فى هذه اللعبة.
![صالح يدرب شقيقه صالح يدرب شقيقه](https://img.youm7.com/ArticleImgs/2017/1/2/527974-وديه-صوره-في-بيتي-وديه-اختي-بمرنها-واحنا-الاتنين-بنتمرن-سوا-وهيا-واخداني-مثال-اعلي-ليها.jpg)
صالح يدرب شقيقه
اخترع صالح مكاناً للتمرين من العدم، فحول سطح منزله الذى يقطن فيه، إلى ساحة للتمرين، بدون شراء أى أدوات إلى ان أصبح أى مكان سواء الشارع أو المنزل أو أسطح العمارات بيئة صالحة للتمرين بالنسبة له، نظرًا لاتقانه هذا الأمر، للدرجة التى جعلته يتمرن فى إشارة سان بمحافظة الإسكندرية، مما أدى لتوقف الإشارة وتحولها إلى ساحة شعبية يشجع فيها المارة صالح بتصفيقهم ورواد السيارات بكلاكساتهم.
![مكان تمرين صالح مكان تمرين صالح](https://img.youm7.com/ArticleImgs/2017/1/2/588052-مكان-التمرين-أعلى-المنزل.jpg)
مكان تمرين صالح
ويضيف صالح: "أول ما بدأت تمرين كنت من غير أى أدوات ولا حتى اشتريت أى حاجة لحد ما جبت العقلة الباب وعلقتها وبدأت أتمرن عليها في البيت برضه مع نفسي، بعد كده استغليت سطوح البيت ونظفته وجبت أدوات البارك الخاصة بى واللى هتحتاجها في التمرين وهى عبارة عن العقلة المتوازى السلم وبقي ده مكان التمرين بتاعي وبطلع كل يوم أتمرن فيه أو أتمرن في البيت وكمان مش دول بس بقدر أتمرن في أى حتة وفي الشارع أو المرتفعات الخطرة".
![صور توضح مرحلة تحول صالح صور توضح مرحلة تحول صالح](https://img.youm7.com/ArticleImgs/2017/1/2/359384-مرحله-تحولي!.jpg)
صور توضح مرحلة تحول صالح
صالح يؤكد أن جسده النحيل لم يكن يقوى على إتقان هذه الرياضة بشكل سريع، "كنت مبعرفش أجيب عده ضغط ولا عقله وكنت ضعيف جسديا ورفيع بشكل ملحوظ بدأت أقول أنا لازم أغير من نفسي وتقريبا كل اللى حوليا كان بيتريق عليً لما يشوفني بتمرن ضغط ويقولي إنت بتعمل إيه".
![صالح يمارس لعبته المفضلة صالح يمارس لعبته المفضلة](https://img.youm7.com/ArticleImgs/2017/1/2/252267-لا-قواعد-هنا-في-اي-وقت-واي-مكان.jpg)
صالح يمارس لعبته المفضلة
"ده مش هيفيدك بحاجة وجسمك هيفضل زى ما هو ومش هتتقدم"، ترددت هذه العبارة كثيرًا على أذنى صالح أو "تربون" فى أثناء اجتهاده على جسده النحيل، إلا أن ذلك لم يفت فى عضده، بل زادته هذه الكلمات عزمًا وإصرارًا على مواصلة الطريق الذى رسمه لنفسه.
![صالح يمارس رياضته صالح يمارس رياضته](https://img.youm7.com/ArticleImgs/2017/1/2/617844-لا-قواعد-هنا-ان-أردت-ستفعل!.jpg)
صالح يمارس رياضته
يقول صالح عن مواجهته لعبارات الاستهزاء :" بس أنا مكنتش بسمع ليهم خالص وكنت مركز مع نفسي وعلي الهدف اللى قدامي.. بدأت يوم عن التاني أشوف فيديوهات وأجيب في تمارين واتمرن لوحدى في البيت بدون مدرب أو مساعد كنت أنا اللى بقوم بالمهمه ديه الحمد لله، لحد ما لقيت نفسي كل يوم عن التاني بتقدم وحبيت اللعبه جدا وبدأت أتعمق فيها لحد ما استمريت وبدأت أخش في الحركات والثبات ورفع جسمي بالكامل".
![عالياً أكثر مما يبدو عالياً أكثر مما يبدو](https://img.youm7.com/ArticleImgs/2017/1/2/150697-عالياً-اكثر-مما-يبدو.jpg)
عالياً أكثر مما يبدو
ويتابع صالح: " استمريت على هذا الأساس لحد ما المستوى بتاعي اتقدم بشكل كبير عن الأول وبقت التمارين العادية بعملها كمجرد تسخين، وانتقلت لمرحله تانية خالص في التمارين، وبقي عندى خبرة في موضوع التمرين والتشكيل وتشغيل العضله المستخدمه في التمرين وبدأت أظبط فى النظام الغذائى والراحة عشان اكتسب الوزن بطريقة أفضل وأغير من نفسي لأني تقريبا كنت عباره عن هيكل عظمي مافيهوش أى حاجة، بس الحمد لله كل ده اتغير".
![صالح فى إشارة سان بالإسكندرية صالح فى إشارة سان بالإسكندرية](https://img.youm7.com/ArticleImgs/2017/1/2/475752-اوقف-تلك-اللحظه-لكي-يشاهدنا-العالم.jpg)
صالح فى إشارة سان بالإسكندرية
يأمل صالح أن تنتشر هذه الرياضة فى مصر، ويكون لها مظلة شرعية تحت اتحاد رياضى، ويعمل فى الفترة المقبلة على الاشتراك فى المسابقات والبطولات العالمية لهذه الرياضة، كما أنه سوف يعمل مستقبليًا على أن يكون مدرباً لكل من يرغب فى تعلم هذه الرياضة.
![حركه Human Flag حركه Human Flag](https://img.youm7.com/ArticleImgs/2017/1/2/430352-حركه-Human-Flag.jpg)
حركه Human Flag
![صالح أثناء التمرين فوق سطح منزله صالح أثناء التمرين فوق سطح منزله](https://img.youm7.com/ArticleImgs/2017/1/2/420043-9c40c08d-a28e-42e7-9faa-29fbccb8b8b7.jpg)
صالح أثناء التمرين فوق سطح منزله
![صالح فوق أحد الأسطح صالح فوق أحد الأسطح](https://img.youm7.com/ArticleImgs/2017/1/2/215921-d1668921-25c8-4a93-911f-59e39167c535.jpg)
صالح فوق أحد الأسطح
![Handstand من ارتفاع كبير جدا في ميدان الاسكندريه Handstand من ارتفاع كبير جدا في ميدان الاسكندريه](https://img.youm7.com/ArticleImgs/2017/1/2/133746-Handstand-من-ارتفاع-كبير-جدا-في-ميدان-الاسكندريه.jpg)
Handstand من ارتفاع كبير جدا في ميدان الاسكندرية
![High Balance! High Balance!](https://img.youm7.com/ArticleImgs/2017/1/2/299169-High-Balance!.jpg)
High Balance!
![الوقوف علي الايد من اعلي مكان في العماره! الوقوف علي الايد من اعلي مكان في العماره!](https://img.youm7.com/ArticleImgs/2017/1/2/212333-الوقوف-علي-الايد-من-اعلي-مكان-في-العماره!.jpg)
الوقوف علي الايد من اعلي مكان في العماره!