وائل عبد الودود حسين يكتب: زرعت الصبر

الجمعة، 04 مارس 2016 12:12 ص

ورقة وقلم

اضف تعليقاً واقرأ تعليقات القراء

زرعت الصبر فى قلبى
ولسه زرعه ما طرح
دواه كان مر
أصله من العشق انجرح
ودع الحب وعذابه
وقفل عليه بابه
وحلف ما يفتح كتابه
إلا للى يسقيه الفرح
ذاق مرارة العذاب
من قسوة الأحباب
كان ماشى ورا سراب
مستنى لسؤاله جواب
إحنا أحباب ولا أغراب
حَبَّ حُبّ بجد
حب ما حبه حد
سقى حبيبه الشهد
وجسور حبه ليه تمد مد
كان الدفا فى عز البرد
ونسمة هوا لما الحر يشتد

كان أمله فى شمس الغد
يلاقى من حبيبه الرد
وكان الرد حيطة سد ماليها هدّ
أتارى قلبه ما حب حد
رماه بسهام من الصَّدُّ
بعدها حلفت لأزرع الصبر
وأنسى اللى فات ومر
وقلبى يعيش حر
لحد ما يلاقى البر