بحر طيبه دافى وكريم
لمسة منه تغرق نعيم
حتى الاسم رقيق جميل
ألف بدايته وأخره ميم
.............................
أمى دى جنة ربنا ع الارض
نفسى ليها أوفى دين
حبى ليها ده سنه وفرض
وصى بيها كل دين
.............................
أمى هيا سبب وجودى
شجره خضره من جدودى
لما بدروا الأصل فيها
جيت انا وجنيت ورودى
.............................
زرعت فينا فرحة وأمل
لايوم حسينا مره بملل
نسرح بفكره نحلم ببكره
ويا الأم نطيب م العلل
...............................
بين ايديها أنا عمرى زهر
ورده تدبل لجل ما اكبر
أى قلب مهما حب
حب أمى أنقى وأطهر
...............................
حضن أمى راحة وسلام
جفن عينى يهوى المنام
لو يكفى عمرى ليها
أنا بهدى ليها ألف عام
...............................
لمسه منها تشفى جراح
شمس نورها تملى براح
لو هتبقى الدنيا عتمه
بيها ليل الكون صباح
..................................
دورى يا أشعارى ولفى
لو دين عمرك ما توفى
طيبة أمى وحنانها
حروف الدنيا ما تكفى
صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة