ذكر تقرير نشره الموقع الهندى "بولد سكاى" عددا من المشاكل الصحية عند الإفراط فى ممارسة العلاقة الحميمة، وتشمل هذه المشاكل الآتى:
1.ألم فى العضلات:
يرجع ذلك إلى أن بذل المجهود فى بعض الأحيان يمكن أن ينتج عنه إجهاد جميع العضلات بالجسم والشعور بالألم، وفى بعض الأحيان تنتفخ العضلات فى الساقين وتسبب الألم، لذا فمن الأفضل أخذ قسط من الراحة، وتجنب الإفراط فى العلاقة الحميمة .
2. التهاب الجلد :
ومن المشاكل الأخرى عند الإفراط فى العلاقة الحميمية التهاب الجلد والشعور بالحكة فى المناطق الحساسة.
3.تشنجات:
الإفراط فى ممارسة العلاقة الحميمة يحدث تشنجات فى الساقين أو القدمين ، ويكون ذلك عند التحفيز المفرط فى الجهاز العصبى وتقلص العضلات، مما يتطلب الأمر الاسترخاء والإقلال من العلاقة الحميمة .
4.آلام الظهر:
لأن الظهر يخضع للكثير من الإجهاد عند الإفراط فى العلاقة الحميمة، ويتطلب الراحة وعدم الضغط على فقرات الظهر حتى لا يكون الأمر أكثر سوءا.
عدد الردود 0
بواسطة:
شيكو
مجربتش بصراحه
مجربتش بصراحه العلاقه الحميمه نهائي اصل انا مش لاقي فلوس عشان اتجوز بيها وانا مش بحب الموضوع ده يكون غير في الحلال والحمد لله على كل حال
عدد الردود 0
بواسطة:
كمال الدين أتاتوركوه
الى تعليق رقم 1 - يابختك لسه عالبر!
لا تبتئس يا أخى فالموضوع مش فلاحة أوى كما تعتقد! وهى زى قفص الفاكهة وشه بيكون طازة وجميل وأخرته هباب! وللاسف الهباب بيدوم أطول من اللى على الوش!
عدد الردود 0
بواسطة:
مصري
الي رقم 1 خليك زي ما انت اوعي تعملها وتتجوز
انت راجل المفروض تتحسد اوعي تعملها وتتجوز حتي لو جاتلك فلوس...زي ما قال رقم 2 بالظبط اخرته هباب ونكد وهتكره عيشتك وشغلك وكل أيام حياتك........الستات دول كلهم بيموتوا في حاجة اسمها نكد ولو مش موجود النكد بيدوروا عليه بأبره واللي تقولك غير كده عايزة توقع رجلك عشان تتتجوز وتبقي زينا اخرتك هباب ومنتظرين اي فرج من ربنا
عدد الردود 0
بواسطة:
عابر سبيل
الزواج أساس المجتمع
تعليقا على كل ما قرأت فأن الزواج به ايجابيات كما به سلبيات وليس كل ما يتمناه المروء يدركه فلا نعمم فكرة ان الزواج مشروع فاشل وهكذا وا ... الخ ولكن هناك أمور كثيرة تؤخذ بعين الاعتبار سوف تدركها عندما "تنضج"
عدد الردود 0
بواسطة:
مصرى مطحون
رقم و1
اسمع الكلام دا بجد وعن تجربه اوعه بقه يغرك الكلام الى هوه وحده تسعدك وتخد بحسك لا يامعلم الى موجود دلقوتى وحده تتعسك وتسمع صوتك لجيران الجيران ونكد وقرف وملل وتتاحسب على كل حاجه اتخرت ليه صرفت ايه وبقى ايه وهتودى فين من لاخر كده الجوز دا عمل الى بيبموت بيقرا عليه الفتاحه ويزفو لحد بيته وبعده كل وحد يروح لحله وتدخل انت بقه قبر الجوز تتحاسب ووتعزب وبس اسمع الكلام
عدد الردود 0
بواسطة:
Ashraf
الزواج مش مشروع فاشل
ما يفشل مشروع الزواج هو معايير اختيارك لعروستك ، هل اخترتها اولا لجمالها وغيره ولا اولا دينها ثم اخلاقها ثم جمالها وثقافتها ، وطبعا كام واحد النهاردة بيدور علي الاصل والتربية الحسنة ، يا جماعة والله الغلط بيبتدى مننا احنا
عدد الردود 0
بواسطة:
صعيدى
ثلاثة
انا والحمد للة مجوز ثلاثة وكل يوم ومعنديش مشاكل من دى
عدد الردود 0
بواسطة:
ahmed
العلاقة الحميمة
يقول تعالى ومن ايته ان خلق لكم من انفسكم ازواجا لتسكنوا اليها. ...من قال ان الزواج نكد فالعيب فيه اكيد.
عدد الردود 0
بواسطة:
مستعجبة
مستعجبة من ام الرجالة الاناننين دول
والله ثم والله ثم والله مافى راجل يستاهل ست تحرق دمها وتتعب نفسها علشانه نبقى بنلف وندور زى النحلة علشان نرضيكم واخرتها انتى بتعملى ايه اصلا انتى قاعدة مرتاحة وانا الى بتعب واشتغل وانتى مرحرحة الست المصرية مطحونة طباخة ومدرسة وسواقة ان امكن طبعا ده لو فيه عربية وخدامه له ولولاده واخر الليل البيه يشوف مزاجه ولو تعبانه ولا مهدودة ماتتكلمش خوفا من جرح احساسات البيه الغدنفر ده لو كان غدنفر كمان مش يادوب على قده قوى كمان وفى الاخر يسمعها كلام زى السم ويسفه من مجهودها وتعبها وهو مبهدل امها وهادد حيلها وياريته مقدر حتى ولا بيسمعها كلمة طيبة انما كله من عينة التعليقات الى تحرق الدم دى منكم لله وحسبى الله ونعم الوكيل فى كل ظالم ومفترى على نعمة ربنا
عدد الردود 0
بواسطة:
د. احمد
رد بسيط
انا قريت تعليقات ياما لكن الرد علي كل ده بسيط سيبنا من موضوع الممارسه الجنسيه وخلافه الزواج عمره ما كان للامر ده فقط بالعكس الزواج لازم يكون قائم علي الموده والاحترام والمعاملة الطيبة وربنا قال وعاشروهن بالمعروف ورسولنا قال رفقا بالقوارير انت عايز زوجة كويسة خليك انت كويس وابدأ بنفسك لو فيك عيوب صلحها عشان متجيش عليك بعد الجواز بمشاكل عديدة غير كدا ضغوط الحياة والماديات مش عليك لوحدك فهي برضة معاك خليها تشارك تعبك وشارك انت تعبها وحس بيها هتحس بيك وهتلقي الدنيا ماشية بسلاسة جدا وربنا سبحانه وتعالي مش هيكتب لك غير الخير لانك بتتقي ربنا فيها وفي الاخر إذا أردتها مثل السيدة خديجة رضي الله عنها فكن بأخلاقك مثل النبي محمدا صلي الله عليه وسلم