أيام زمان كانوا من الدهب صكوك!
وكنت بين العملات ملك الملوك!
الدرهم والدينار والكل بيحترموك!
كنت النجم الساطع فى صرافة أو بنوك!
وفى أى أزمة تحصل كانوا بيسندوك!
وأمام الدولار كانوا برضو بيدعموك!
وبالأهيف واللحلوح كانوا بينادوك!
دى طبعاً مش أسماء لكن بيدلعوك!
طيب ليه اتخلوا عنك ووحدك تركوك ؟!
وبيقولوا قال إيه، إنهم بيعوموك!
وهما فى الحقيقة خدعوك وغرقوك!
وبأبخس الأثمان دلوقت بيبيعوك!
واللى احتفظوا بيك، دلوقتى بيكرهوك!
خايفين من اللى بيحصل تساورهم شكوك!
من العملات الأخرى إنهم يلتهموك!
بعد ما بقيت ضعيف تعبان وكمان منهوك!
خايفين لتصبح ميت وباقى يدفنوك!
ساعتها يلعنوا اليوم اللى فيه شافوك!
يارب ترجع تانى ويقدروا ينقذوك!
ونشوفك زى زمان بالرزم محبوك!
