نصر الدين محمود سالم يكتب: تفتكرى ياما هجبلك أيه

تفتكرى يا أما هجيبلك أيه
قوليلى يا أما أيه ف بالك
قولى كده هجيبلك أيه
لما ييجى عيد ميلادك
تفتكرى أيه فى الدنيا ديه
يليق بحبك يسوى خوفك
لو غاب عليكى حد ثانية
من ولادك
تفتكرى أنتى هجيبلك أيه
قولى كده قلبى ال حبك أد أيه
مايساويش والله نقطة
من بحر السعادة تعزليها
ول شمعة تنوريها
ول دمعة من نهر خوفك
من حنانك
قولى كده هجيبلك أيه
لما ييجى عيد ميلادك؟؟
تفتكرى لو جبت قلبى
وبدهولك
أو جبت روح وهبتها
تنور عيونك
ول دمى وهبتهولك
ممكن يساوى ضحكتك
وانتى ال عزك ربنا
ورافع مكانك
قولى ياما
هجيبلك ايه لما يجي
عيد ميلادك
تفتكرى ممكن اجيبلك ايه
قلبى ال حبك اد ايه
ممكن يساوي
لحظه فيها
تفكرى وتسهري
تتحملى تربى أنتى تكبرى
همك انتى،،،، إزاى أنا
اضحك واعيش
تحرمى نفسك عشاني
كل يوم تدينى تانى
تغزلى الحزن باغانى
وكل هم يهون ف ثانيه
لما اضحك يوم قوبالك
تفتكرى ياما هجيبلك ايه
لما يجى يوم ميلادك
مهما اقدم من هدايا
مهما ابلغ من منايا
كل يوم حبك بدايه
كل يوم بيزيد حنانك
كل يوم بكبر اوي
واضحك اوى ادام عنيكي
مهما قولت او وصفت
الحب فيكي
و مهما ابوس ف القدم
وابوس ايديكي
مش راح اثبت حبى ليكي
غير أن ادعى الله ليكي
يحفظك ويصون جمالك
تفتكرى ياما هجبلك ايه
لما يجى يوم ميلادك