عينى ملونة أطلب شبكة كام ؟ "البنت تسأل وفيس بوك يرد: "رخصتى نفسك"

"أنا عينى خضرا ومع آشعة الشمس بتبقى زرقاء المفروض أطلب شبكة بكام ؟ لأنى شايفة إن 35 ألف قليل قوى عليا، وانت كولد تدفع كام فى واحدة بالموصفات دى؟ " سؤال كتبته واحدة من الفتيات على إحدى الصفحات على فيس بوك، وهو السؤال الذ انفجر كالقنبلة بين الآراء التى انتقدت السؤال، وأثارت غضبًا كبيرًا من الفتيات قبل الشباب، الذين اتفقوا على أنها تحول نفسها إلى جارية فى سوق الرقيق أو سلعة بتساؤل كهذا.

جاءت ردود الفعل على التساؤل قاسية جدًا، وغالبيتها ساخرة فهناك من قال "على حسب، يعنى لو بتنوّرى كمان فى الضلمة يبقى قليل" وهناك من اقترح عليها "ادخلى على موقع للبيع أونلاين واكتبى الماركة بتاعتك والموديل وشوفى" و"عاوزة 35 ألف تحت آشعة الشمس ولا فى الضلمة ؟" و"ليه يدفع فيكِ 35 ألف وأكتر.. لما ممكن ياخد واحدة عاقلة ويجيب لها عدسات أخضر وأزرق ورمادى واكوا وهازل وبراون ومش هيكلفوه 1500 جنيه كلهم على بعضهم.. واهو يشوفها كل شوية بلوك مختلف وشكل جديد" فيما لفت آخرون إلى أخطائها الإملائية وكتبوا "المفروض ما يدفعش حاجة عشان لسة هيدخلك محو الأمية"، فى حين امتنع آخرون عن التعليق لأن "عينهم بنى".