برديس دخلت فى نوبة من البكاء بمجرد دخولها للحجز والتفاف السجينات حولها، ورفضت الأكل والمشروبات، وظلت تردد مش عايزة أتحبس زى الفولى.. أنا ما عملتش حاجة دا لبسى حلو ومحترم وعمرى ما خليت راجل قرب منى".
ودخلت برديس فى مشادات كلامية مع عدد من السجينات بسبب إصرارهن على الحديث معها وسط رفض تام منها بالتحدث مع أحد، وحرصت على الجلوس فى ركن الحجز بمفردها بعيداً عن شاكيرا التى تم حبسها برفقتها، وبدأت تظهر على وجهها علامات القلق والتوتر وعرضت عليها بعض السجينات السجائر إلا أنها رفضت وصرخت فيهم: "قلت لكم سيبونى فى حالى.. كفاية اللى أنا فيه".
وعلى العكس من برديس ظهرت شاكيرا متماسكة إلى حد ما، ورددت العديد من العبارات أبرزها: "أنا مش بمشى بطال لا سمح الله .. أنا مش عارفه قبضوا عليا ليه.. طيب يروحوا يمسكوا اللى بيعملوا أفلام عريانة.. أحنا معملناش حاجة"، والتفت السجينات حول شاكيرا ورددن أغانى الكمون وبعض الأغانى الأخرى، وحدثت اشتباكات بين الطرفين، وترددت المتهمات على حمام الحجز أكثر من مرة فى وقت قليل.
موضوعات متعلقة..
كواليس 4 ساعات تحقيق مع بطلتى كليب "الفلفل والكمون" و"يا واد يا تقيل".. برديس ترتبك وتردد: "هيحبسونى زى رضا الفولى".. شاكيرا تتمالك أعصابها.. ومحاميهما: الأفلام بها مشاهد أكثر سخونة لفنانين مشهورين
