يارب أشوف مصر فاتحة باب الهجرة العشوائية
وشباب الغرب نايمين على باب السفارة المصرية
طالبين فيزا للدخول... واقفين فى طوابير ملوية
أشوف الجنيه المصرى..عمدة..بالجلباب والطاقية
أمام الدولار واليورو...صامد...بصحة قوية
أشوف مصر م الأمراض...والأوبئة...خالية
بالسياحة والاستثمار...بإذن الله...غنية
أشوف الأمن والأمان.. عظمة.. صورة خيالية
لا خطف ولا اغتصاب للبنت.. م الشباب محمية
أشوف أحكام رادعة.. على كل الحرامية
وكمان البلطجية.. وأعضاء الجماعة الإرهابية
أشوف التعليم بخير.. من غير دروس خصوصية
وترتاح الأهالى بقى.. من بعبع الثانوية
أشوف شباب مصر...فى وظائف حكومية
رجال أعمال.. أصحاب محلات تجارية
أشوف المسلم والمسيحى.. فى أجمل علاقة أخوية
الكل يقول معايا.. تحيا الوحدة الوطنية
صورة أرشيفية
