بالفيديووالصور..مأساة "مسنة" مريضة فى غرفة بالإيجار على السطوح بمعاش 323 جنيها..الحاجة "سعدية":"مش معايا حق العلاج وبنام فى غرفة وأنا واقفة"..و"صاحبة الأوضة عايزاها وياريت تجيبولى شقة ولو غرفة وصالة"

فى حى محمود الحصرى حارة عبد النعيم بهجت نمرة 4 تسكن سيدة مسنة خارت قواها من المرض، لم تجد أحدا يساندها، ولا تستطيع مساعدة نفسها، حتى ابنتها لا تستطيع الحضور إليها لمساعدتها، وذلك لأن الغرفة التى تعيش فيها هذه السيدة ضيقة لا تسع حتى فردا واحدا، ليس هذا فقط بل إنها تتقاضى من الشئون الاجتماعية معاشا لا يكفى "نملة".

الحاجة "سعدية": عايزة شقة علشان مش لاقية حد يساعدنى لأنه مافيش مكان فى الغرفة

الحاجة إسعاد عبد الخالق عمران الشهيرة بــ"سعدية" تقول: "ابنتى منى" التى كانت تساعدنى وتقف بجوارى وتراعنى تزوجت، ولم أجد من يقف بجوارى، والآن أنا وحيدة ولا أستطيع مساعدة نفسى، كما أن معاشى 323 جنيها لا يكفينى أسبوع، وعايزة شقة إن شاء الله حتى غرفة وصالة، لأنى مش قادرة أجيب حد يخدمنى علشان مش هيلاقى مكان ينام فيه وصاحبة الغرفة محتجاها، وكتر خيرها بصراحة، وكمان علشان حتى بنت بنتى تيجى تخدمنى وتساعدنى وأنا عيانة بقالى سنة وزيادة بشترى علاج، وومعاييش فلوس تكفينى لا علاج ولا أكل".
323 جنيها مصاريف الحاجة سعدية للعلاج والسكن وأنبوبة البوتاجاز والأكل
أكدت الحاجة سعدية أن معاشها 323 جنيها منهم مصاريف العلاج وأنبوبة البوتاجاز، مضيفة: "كل حاجة غالية والفلوس بتتصرف بسرعة، ومافيش حد بيساعدنى وبعيش لوحدى، ومن ضيق المكان بحس بخنقة وخاصة إنى بعيش لوحدى، ويا دوب بدخل الغرفة بعمل كباية شاى وطبق أكل مافيش أكتر من كده وبنام وأنا قلقانة ومحدش بيراعينى".

وناشدت الحاجة سعدية، رئيس الوزراء إبراهيم محلب، ووزير الإسكان بتوفير شقة لها ولو غرفة وصالة، حتى تعطى الفرصة لابنتها للمبيت عندها ومساعدتها فى قضاء حاجتها.