التلاوى لـ"السيدات": مش ضرورى تشترى الحاجة الغالية بالكيلو

طالبت السفيرة مرفت التلاوى، رئيس المجلس القومى للمرأة، سيدات مصر بعدم شراء المنتجات مرتفعة الثمن، قائلة: "مش ضرورى تشترى الحاجة الغالية.. اشترى نص احتياجاتك، وستجدين بديلا عن الحاجة الغالية دى، لغاية ما تقدر تجبر التاجر أنه ميبقاش مستغل إلى هذا الحد".

وتعليقا على تبنيها حملة لمقاطعة السلع مرتفعة الثمن، قالت فى مداخلة هاتفية ببرنامج "طعم البيوت" على القناة الأولى بالتليفزيون المصرى: "المرأة عليها دور فى ترشيد الاستهلاك مع غير الضرورى، مش ضرورى الست البسيطة تدخل تشترى بالاتنين والتلاته كيلو مفيش حاجة زى كده فى أوروبا أولا، اللى هما أغنى مننا، فنوفر شوية فى الاستهلاك بتاعنا ده"، وتابعت ضاحكة: "وفى أوروبا مفيش حد بيدخل يشترى غير موزتين مثلا، عندنا أحنا بنشترى بالكيلو".

وأضافت قائلة: "ارتفاع الأسعار ارتفاع مؤقت، وإن شاء الله هتنزل والجمهور من ناحية والدولة من ناحية هنقدر نتغلب على جشع البعض".