أنا الفرحة ال فارده
بساط الحب طايره
لكن بدون جناحين
طايره أنا بطلع لفوق
أنزل مع الأحلام
قبل كل شروق
طايره تانى بعشق شوق
وأسيب خدود ورديه ضاحكه مفتحين
أطير وأطير أطلع كمان
وأنزل أنا على بيت جيران
أرمى الأمل ومعاه حنان
على قلب كان عايش حزين
أنا الفرحة لحظة صفا
أول لوقا
ضحكة بدلال وسؤال
بطيبة
لحبيب بيتعرف
أنا الفرحة ال مكتوبة
على باب حبيبة
وفوق ديوان
الكاتب والمؤلف
أنا الفرحة ال موجودة
قبل الطفولة
بالأمان وياه حنين
أنا الفرحة ال فاردة
بساط الحب طايرة
لكن بدون جناحين
أنا بداية الإحساس
ال ما بيعرفش خوف
أنا الزهرة ال تتمايل
على خدود الحبايب
بدون خجل وكسوف
أنا حكاية بتتغنى
فوق سحابة نور
أنا الجاية
فوق خدود ملهوف
أنا الفرحة ال ف ثوانى
تعيش سنين
أنا الفرحة ال فاردة
بساط الحب طايرة
لكن بدون جناحين
طايره أنا بطلع لفوق
أنزل مع الأحلام
قبل كل شروق
طايره تانى بعشق شوق
وأسيب خدود ورديه
ضاحكه مفتحين
ورقة وقلم - أرشيفية
لا توجد تعليقات على الخبر
تم أضافة تعليقك سوف يظهر بعد المراجعة