وحشنى
فى كلمة بحبك..
تقولها دمعة
من روحى تنزل دون
عينى..
وإنت بتسحب إيدك
منى..
وقُــدَامى.. ومش
شايفنى..!
,,,,
وحشنى..
فى كلمة بحبك..
ويرميها عليك
شوقى..
وحنانى يغطيك فى
حضنى..
ورا صخرة عشق
وعن عيون الناس
يبعدنى..
ويخبيك حبى فى
شطى..
وعُمرك ما لبيت
العوم فى نِدى
بحرى..!
,,,,
وحشنى
فى كلمة بحبك..
اللى يا ما قالها
ولسَه بيقولها
قلبى..
وإنت واقف
جنبى..
تلمح النينى.. بس
مستنى..!
ممكن لما تشوف
صورتك بين
جفنى..
بالحب تؤمن.. وخلاص
تصدقنى..؟
ولما تحس ملامح
مرسومة بفرشاة
حبى..
ومكسورة من ثنايا
ضلعى..
يوم فاض وجع
صمتى..
قبل ما يلونها
دمى..
وكل اللى حولك و
حولى..
بيقولوا فى شعرى
جِـنَى..!
وحدك الشوق
اللى فى
عينى..
يعمينى لو غاب
عنى..
ولما أغمض
يجينى فى
حلمى..!
ليه كده.. عايز
تشوفنى..؟
وإنتَ..
إنتَ ( الوَحشة ) المفقودة
فى حكاية
عمرى..!
,,,,
وحشنى..؟
*****
صورة أرشيفية
