أبو الحسن حسن عكاشة يكتب: طريق النصر

فـ السادس من أكتوبر
مدَّينا دروع النَّصر
لبلدنا الحرة الغالية
وحصاد من سيناء لمصر

وعبرنَّا ببسم الله
بارليف وسدود وقناة
وحضنَّا عينيكى يا طابا
وسجدنا بحمد الله

وف كل ميدان وشوارع
كبَّرنا مع الترديد
وإيدينا فـ بعض جوامع
بنغنى لمصر نشيد

يابلاد الثورة يا أمى
إحنا ولا دك جايِّن
هنجيب النصر ونرجع
نضحك سوا فـ الميادين

الجندى المصرى الباسل
رسم البسمة بإخلاص
دخل المعركة بيقاتل
وكأنه بمية حراس

بدماه الطاهرة أتحمِّل
لأجل عيونك حكاياتك
وف جرحه قام بيكمل
دى حقيقة ماهيش شعارات

صورايخ طيران ومدافع
وقوارب وسط جبال
عن بلده راح بيدافع
عن أم وعم وخال

ومشينا طريقنا الوردي
بالنصر وأغلى عبور
وعشانك أنتى يابلدى
راح نفضل سوا فـ النور