"زى زمان" لافتة كبيرة تحمل اسم المكان، وداخله يستقر مؤسسه "محمد الشيمى"، ومن حوله بعض الزبائن يسألون عن تاريخ الصور والأشخاص، يجيبهم ببساطة قبل أن يعود ليسرد بداية قصته: "أنا ببنى فى الأرشيف ده من حوالى 15 سنة، بدأت مع عمى اللى كان شغال فى الميكروفيلم لسنين طويلة، وكانت تقريبا معظم شركات الأفلام ومعظم مصورى مصر بيحمضوا عنده نيجاتيف الأفلام، ومن صغرى سحرنى الموضوع واشتغلت معاه، وبدأت أدور بنفسى وأكبر الفكرة لحد ما قررت أعمل المساحة دى عشان تحافظ على التراث بشكل جديد".
ويتابع: "أهم دافع للبداية كان اندثار معظم أماكن الميكروفيلم وظهور ثقافة الديجيتال، وعشان كده كان مهم إن حد يحتفظ بده، ويحاول قد ما يقدر يحوله لديجيتال وللعالم الرقمى اللى بيسيطر على كل حاجة دلوقتى".
ويشير "الشيمى": "بعد سنين طويلة فى الشغل وخصوصا إنى بقيت بتعامل مع أجانب كتير، كان لازم أبقى واجهة لبلدى وللتاريخ اللى بقدمه لهم، وعشان كده كان لازم أدرسه عشان أقدر أشرحه للكل، سواء حد مهتم إنه يشترى حاجة أو مهتم إنه يتفرج ويتعرف على الشخصيات المصرية وتاريخها أو حتى الأماكن الأثرية".
![زى زمان.. مساحة محمد ليعود بالزمان لزمان زى زمان.. مساحة محمد ليعود بالزمان لزمان](http://img.youm7.com/images/issuehtm/images/daily/mosaammelmaktaba/1.jpg)
زى زمان.. مساحة محمد ليعود بالزمان لزمان
![محمد يقوم بعرض مجموعة من الأعمال التى جمعها محمد يقوم بعرض مجموعة من الأعمال التى جمعها](http://img.youm7.com/images/issuehtm/images/daily/mosaammelmaktaba/2.jpg)
محمد يقوم بعرض مجموعة من الأعمال التى جمعها
![وجوه الشخصيات التى أثرت فى حياة المصريين داخل وجوه الشخصيات التى أثرت فى حياة المصريين داخل](http://img.youm7.com/images/issuehtm/images/daily/mosaammelmaktaba/3.jpg)
وجوه الشخصيات التى أثرت فى حياة المصريين داخل "زى زمان"
![زى زمان زى زمان](http://img.youm7.com/images/issuehtm/images/daily/mosaammelmaktaba/4.jpg)
زى زمان
![محمد الشيمى فى زى زمان محمد الشيمى فى زى زمان](http://img.youm7.com/images/issuehtm/images/daily/mosaammelmaktaba/5.jpg)
محمد الشيمى فى زى زمان