عبد الحميد بدوى يكتب: المواطن الغلبان

فى ناس كتير بتدعى للسيسى
وأنا منهم
مش عشان السيسى
ولكن عشان الشعب الغلبان
يمكن يلاقى لنفسه كيان
والدولة لازم تحس بوجوده
قبل ما يفوت الأوان
ونقولوا ياريت اللى جرى مكان
كل اللى عايزينه
عايزين حكومة تحترم المواطن
وتعرف قيمة الإنسان
والبلد عمرها ما هاتتقدم
إلا بالأدب والذوق والاحترام
والحق والعدل كمان
وياريت الإخوان تفوق لنفسها
وتصحى من حالة التوهان
وتعرف أن زمانهم انتهى
وأصبحوا فى خبر كان
وهما اللى حكموا
على نفسهم بالإعدام
فى ناس كتير بتدعى للسيسى
وأنا منهم وأولهم
مش علشان السيسى
ولا حتى علشان مبحبش الإخوان
ولكن عشان السيسى دلوقتى فى البلد
هو رمانة الميزان
وأملنا فيه كبير بعد ربنا
وعارفين أن الحمل تقيل
ويارب تكون آخر صبرنا
وتعمل للبلد شكل وكيان وعايز أقولك كلمة أخيرة
دايمًا خلى فى بالك وعقلك وقلبك المواطن الغلبان
لأن هو اللى تعب وكل حاجة عى دماغه من زمان
ودايمًا راضى بقليلة بس كل وقت وله أدان
ونفسنا نشوفوا مصر بتبنى وتزرع وتنتج وتصنع
وبتسابق الزمان وفيها نهضة بجد مش شكل نهضة الإخوان