سِحرِك ف إيه
خلانى أتعود عليه
خلانى عايش بس ليه
حسيت معاه سِر الحياه
اللى ما عشتش لحظه فيه
سِحرِك قِصص ساكنه الخيال
والرقه والشوق والدلال
سحرك بحور مليانه نار
بتعلم الكون المُحال
الشهد دايب كل يوم وسط الشفايف
والرمش جارح والحنين جواكِ جارف
وانا قلبى بيحبِك قوى مُشتاق وحالف
إنه ما فيش غير سِحرٍك انتِ بس شايف
والضحكه مفتاح للقمر وسط النجوم
ومعاكِ بغرق ف العيون لحظه وأعوم
محتاج أشوفك كل ثانيه ألف يوم
واشم ريحتك وارتوى
وما ادوقشى بَعدك أى نوم
سِحرِك سما البرق فيها والمطر
سِحرِك نسيم يحيى القلوب وقت الخطر
قُربك نعيم والبعد عنه شئ لا يمكن يُغتفر
سِحرِك بيهمس ف الجوارح و القلوب
قلبى يدوب من نظره واحده فيه يدوب
ويمد قلبى بالمحبه والطهاره والذنوب
ممكن يكون السِحر وياكِ احتواء
أو نعمه ليا م السما ولا ابتلاء
لكن بحس بكل حته فيكِ معناها الوفاء
بمشى لشطِك ألف خطوه وألف ميل
قلبك حياتى وسكتى .. ليكِ بميل
ما عرفشى مين غيرك يكون ليا البديل
امرأة جميلة
مشاركة
اضف تعليقاً واقرأ تعليقات القراء
مشاركة
