أمى
خدى منديلى
عليه آخر نقطة ف دمى
أديه لابنى
زى ماكان معايا
زمان منديل أبويا
وقوليله زى ماقلتيلى
إن أبوك مماتش
أبوك عنك مابعدش
أبوك فى السما عايش
بس برتبة شهيد
وقوليله الفرق بينا
يوم ما أبويا مات فى سينا
إنه مات مضروب فى صدره
من عدو هو كارهه
حافظ شكله وملامحه
الشبه بينهم بعيد
أما أنا مضروب فى ضهرى
من عدو ابن بلدى
يمكن يوم زمان قابلنى
أو حضنته أو حضنى
وحالف إنه مايفرحنى
حتى مرة ف يوم العيد
خلاص ياما متدمعيش
دانا رايح جنب أبويا أعيش
أصلى شفته فى المنام
بيبعتلك معايا السلام
قاللى يابنى مستنيك
من سنين جنبى كرسيك
خلاص يابنى جه معادك
إنك تاخد رتبة شهيد
شهداء حرب حادث العريش
لا توجد تعليقات على الخبر
تم أضافة تعليقك سوف يظهر بعد المراجعة