اجتماعيا أنا غير لائق...
أنى أكون ظابط أو قاضى
أصل أبويا مجرد سائق..
وكمان عمى مواطن عادى
ولا فى عيلتنا حد مهم....
ولا أعيان كانوا أجدادى..
ولا فى السينما أعرف نجم
ولا رجليا خطت نادى...
يبقى مين بينا هيهتم.....
ده العرف السايد ف بلادى
أوعى تقول ممكن بالعلم....
يا ما شهادات لكن ع الفاضى
فى الخارجية مرة حاولت...
قفلوا باب السكة قصادى..
رغم شهادة ذات تقدير.....
متميز وكمان مش عادى
كان الرفض لأنى فقير.....
وإن أبويا مواطن عادى...
لجل ف بلدى يعم الخير..
يا حكامنا ويا أسيادى....
ممكن بشوية تغيير.....
التعاقيد دى تصبح ماضى
ويبقى معيار الوظيفة....
الكفاءة والاجتهاد.......
وقتها تنهض بلدنا........
ويبقى كل الشعب راضى
صورة أرشيفية
